पिञ्जडाको चरा जस्तै खुम्चिएको पखेटाले
आज फेरि जिन्दगीमा एउटा उडान लिन चाहेँ
उड्न सक्चु सक्दिन त्यसको चिन्ता कहाँ छ र
जिन्दगीमा फेरि मैले एउटा कदम चाल्न चाहेँ॥
सपना देख्ने आँखहरुले सपना नै भुले पनि
एउटा अर्को सपना मैले आज बुन्न चाहेँ
उठियो-लडियो कयौँ पटक, नदु:खेको कहा हो र
जिन्दगीमा फेरि पनि लड्न अनि उठ्न चाहेँ॥
बानि छैन उड्ने पनि कसरि पो गर्ने हो
आकास छुने ईच्छा राखि एउटा छलान मार्न चाहेँ
जिन्दगीमा गल्ति गर्न हुन्न कहाँ लेख्या छ र
एउटा अर्को गल्ति सहि, मैले केहि सिक्न चाहेँ॥
आज मैले गरिन त भोलि पनि गर्ने छैन
भोलेको त्यो जिन्दगीलाई वाटो खन्न आज चाहेँ
भयो गयो सबै सकियो दोसि यहाँ को नै छ र
भोलीको राम्रो पलको आधार आज खोज्न चाहेँ॥
0 comments:
Post a Comment